متن کامل نوحه خرابه قلبیمی سخار رقییه سلام اولا
متن نوحه خرابه قلبیمی سخار رقییه سلام اولا
خرابه قلبیمی سخار رقییه سلام اولا
یزیدی تختیدن سالان رقییه سلام اولا
ایاقلارین تیکان ئوپن گل پیمبره درود
باشینا قمچیلر دگَن یتیمه دختره درود
خرابه ده افول ایدن ایشیقلی اختره درود
وئرن قوری یر اوسته جان رقییه سلام اولا
فلک لحاف و بالشین حصیر و پاره خشت ائدن
رضای حقیدن ئوزون رضای سرنوشت ائدن
خرابه یرده جان وئرن خرابه نی بهشت ائدن
چراغ و چشم کهکشان رقییه سلام اولا
آناسی فاطمه کیمی جمالی نیلگون اولان
جفا و ضرب سیلیدن گوزل گوزونه قان دولان
سموم ظلم و جوریدن گل چمن کیمی صولان
غمینده عمه سی یانان رقییه سلام اولا
دیلینده اکبرین آدی یاواش یاواش دیین اذان
عزیزه دوتدوقی آدی خرابه خاکینه یازان
گوزل آدی یازیب ئوپن گوزل آدی ئوپوب پوزان
یزیدی تختیدن سالان رقییه سلام اولا
نظرات (۰)